دونیا تیجارت تشکیلاتی:”ساواش سببیندن قیمت لر آرتاجاق”
دونیا تیجارت تشکیلاتی (DTÖ) فوریه‌نین 24-ده باشلایان روسیا-اوکراینا محاربه‌سی‌نین خصوصیله تاریم و ارزاق محصول‌لاری ایله انرژی قیمت‌لری‌نین آرتیمینا سبب اولاجاغیندان و بونون خالق‌لار اوزرینده منفی تأثیر گؤسترجگیندن ناراحات‌لیغینی بیلدیریب.
دونیا تیجارت تشکیلاتی-نین باش مودیری نگوزی اوکونجو ایوالا وئردیگی یازیلی آچیقلامادا دونیا تیجارت تشکیلاتی-نین اوکراینا‌داکی فاجعه‌نی تعجب ایله ایزله‌دیگینی وورغولاییب.
اؤلکه‌ده‌کی بحرانین باریش یولو ایله حلینی آرزولایان اوکونجو ایوالا “لاکین داوام ائدن فاجعه و اینسان ایتکی‌سیندن درین کدرله‌نیریک. بیز باریش و سرعت‌لی حل اوچون دعا ائدیریک” ایفاده‌سینی ایشله‌دیب.
نگوزی اوکونجو ایوالا اؤلکه‌ده‌کی محاربه‌نین دونیایا منفی تأثیرلرینه ده دقت چکیب:
“خصوصی ایله تاریم و ارزاق محصول‌لاری‌نین تیجارتی و انرژی قیمت‌لری‌نین آرتماسی، بونون خالق لارا تاثیرلری اولماق موناقیشه‌نین تیجاری نتیجه‌لریندن ده ناراحاتیق”.
